20.02.2026 | 14:14
Պուտինը ՌԴ ԱԳ փոխնախարարին Թուրքիայում դեսպան է նշանակել
Ռուսական զորքերն ԱԹՍ-ներով հարձակվել են Կիևի վրա. մեկ զոհ, մի քանի վիրավոր կա
Քաղաքականություն
03.01.2025 | 13:03
Ռուսական զորքերը հարվածային անօդաչու սարքերով հարձակվել են Կիևի մի քանի շրջանների վրա։ Այս մասին հայտարարել են շրջանային ռազմական վարչակազմի ղեկավար Նիկոլայ Կալաշնիկը և քաղաքային ռազմական վարչակազմի ղեկավար Թիմուր Տկաչենկոն, գրում է Meduza-ն։
Բրովարսկի շրջանում հարձակման հետևանքով վնասվել է բեռնատար մեքենա, 25-ամյա վարորդը մահացել է։
Ֆաստովսկի շրջանում 23-ամյա աղջիկը վիրավորվել է անօդաչու թռչող սարքի բեկորների վայր ընկնելու պատճառով։ Բելոցերկովսկի շրջանում էլ չորս մասնավոր բնակելի շենք և մեկ տնտեսական շինություն է վնասվել, երեք մարդ վիրավորվել է։ Ըստ Նիկոլայ Կալաշնիկի՝ նրանց թվում են 16-ամյա դեռահաս, նրա հայրը և 68-ամյա մի կին։
Տկաչենկոյի տվյալներով՝ հրդեհ է բռնկվել նաև Կիևի Դարնիցկի շրջանի առանձնատանը։ Այն հաջողվել է մարվել, զոհեր և վիրավորներ չկան։
Թարգմանությունը՝ Էմմա Չոբանյանի
