14.01.2026 | 18:41
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Բուլղարիան և Ռումինիան՝ Շենգենյան գոտու լիիրավ անդամներ
Քաղաքականություն
01.01.2025 | 20:54
Բուլղարիան և Ռումինիան դարձել են Շենգենյան գոտու լիիրավ անդամներ։ Հունվարի 1-ից չեղարկվել են Շենգենյան համաձայնագրի մյուս մասնակիցների հետ եվրոպական ներքին ցամաքային սահմանների ստուգումները։ Այսպիսով, Շենգենյան գոտու պետությունների թիվը հասել է 29-ի։ Այս մասին տեղեկացնում է DW-ի ռուսական ծառայությունը։
Բուլղարա-հունական սահմանի հատման վեց պաշտոնական կետերում փաստաթղթեր այլևս կարելի է չներկայացնել։ Սահմանի 30 կմ հատվածում ռումինական կողմից իրականացվելու են միայն նախապես չհայտարարված ստուգումներ։
Հիշեցնենք՝ մարտին Բուլղարիան և Ռումինիան համաձայնագրի մյուս անդամ պետություններից մուտք գործելիս հրաժարվել էին վերահսկել օդանավակայանները և նավահանգիստները:
