22.06.2026 | 11:45
«Տելեկոմ Արմենիա»-ն և «AzerTelecom»-ը համաձայնագիր են ստորագրել ինտերնետ թրաֆիկի տարանցման վերաբերյալ
Գերմանիան արգելել է Վրաստանի ինը քաղաքացիների մուտքը երկիր՝ ցուցարարների նկատմամբ բռնություն գործադրելու համար
Քաղաքականություն
01.01.2025 | 22:16
Բեռլինն արգելել է Վրաստանի ինը քաղաքացիների մուտքը Գերմանիա, որոնք պատասխանատու են ցուցարարների նկատմամբ բռնության համար, գրում է Current time-ը։
«Խաղաղ բողոքի իրավունքը մարդու համընդհանուր իրավունքն է, մեր պարտականությունն է պաշտպանել այն»,- ասվում է Գերմանիայի ԱԳՆ հայտարարության մեջ։
Պատժամիջոցների ենթարկված Վրաստանի քաղաքացիների անունները չեն նշվում։
Գերմանիան, Ֆրանսիան և Լեհաստանն ավելի վաղ համատեղ հայտարարությամբ դատապարտել էին խաղաղ ցուցարարների, լրատվամիջոցների ներկայացուցիչների և ընդդիմության առաջնորդների նկատմամբ իրականացված բռնությունները, ինչպես նաև քաղաքական գործիչների նկատմամբ սպառնալիքները։
Այս երեք երկրների իշխանությունները նշել էին, որ բացի ԵՄ որոշումների կատարումից՝ դիտարկելու են լրացուցիչ միջոցներ ԵՄ և ազգային մակարդակներում։
Թարգմանությունը՝ Էմմա Չոբանյանի
