07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Բաքվում Իրանի գործերի հավատարմատարը կանչվել է Ադրբեջանի ԱԳՆ. պահանջվել է վերջ տալ «հակաադրբեջանական սադրանքներին»
Քաղաքականություն
01.01.2025 | 18:33
Ադրբեջանի ԱԳՆ է կանչվել Բաքվում Իրանի դեսպանության գործերի ժամանակավոր հավատարմատար Սեյիդ Ջաֆար Աղայի Մարիանը։ Ադրբեջանական կողմի փոխանցմամբ՝ հանդիպմանը իրանական կողմին խիստ բողոք է փոխանցվել, որ 2024 թվականի դեկտեմբերի 29-ին Արդեբիլի նահանգում միջոցառման ժամանակ Իրանի գերագույն հոգևոր առաջնորդի ներկայացուցիչ, Արդեբիլի իմամ-ջումա Սեյեդ Հասան Ամելին վիրավորական հայտարարություններ է արել Ադրբեջանի և նրա ղեկավարի դեմ միջոցառմանը։
Միաժամանակ, նշվել են վերջին ժամանակներս Իրանի բնակչության շրջանում սրված հակաադրբեջանական տրամադրությունների բորբոքման շուրջ մտահոգությունները:
«Դիվանագետին ասվել է, որ Իրանում հակաադրբեջանական քարոզչությունը չի համապատասխանում երկկողմ հարաբերությունների ոգուն, մեր երկրների առջև դրված նպատակներին ու խնդիրներին։ Ընդգծվել է, որ նման գործողություններն ուղղված են ատելություն ու թշնամանք սերմանելուն, այլ ոչ թե պետությունների ու ժողովուրդների երկկողմ հարաբերությունների պահպանմանն ու խորացմանը։ Պահանջվել է վերջ տալ մեր երկրի դեմ նման սադրանքներին»,- ասվում է Ադրբեջանի ԱԳՆ-ի հայտարարության մեջ։
Թարգմանությունը՝ Էմմա Չոբանյանի
