13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ինչ է սպասում աշխարհին նոր տարում. Financial Times-ի կանխատեսումը
Քաղաքականություն
31.12.2024 | 17:17
Financial Times թերթը տվել է իր կանխատեսումը 2025 թվականի որոշ առանցքային հարցերի վերաբերյալ։
Անցյալ տարեվերջին թերթը հրապարակեց 22 կետից բաղկացած կանխատեսումը 2024 թվականի համար՝ թույլ տալով ընդամենը երեք սխալ։
Հիմնական կետերից մեկի հարցի պատասխանն է. «Կկնքվի՞ խաղաղության պայմանագիր Ուկրաինայի և Ռուսաստանի միջև»: Հրապարակումը պատասխանում է՝ «Այո»։
Միևնույն ժամանակ, նա կարծում է, որ Դոնալդ Թրամփը կսպառնա Ռուսաստանին նոր պատժամիջոցներով և կմեծացնի աջակցությունը Կիևին, բայց միևնույն ժամանակ կստիպի Ուկրաինայի նախագահ Վլադիմիր Զելենսկիին ճանաչել Ռուսաստանի կողմից ուկրաինական տարածքների օկուպացումը։ Ուկրաինան չի դառնա ՆԱՏՕ-ի անդամ, բայց այդ հարցը օրակարգից չի հանվի։
Բացի այդ, կանխատեսվում է, որ Թրամփը մինչև տարեվերջ կսկսի լայնածավալ մաքսային պատերազմ և առնվազն 10% մաքսատուրք կսահմանի ԱՄՆ ներմուծման առնվազն կեսի վրա։
Պարբերականը նաև նշում է, որ 2025 թվականին բիթքոինը կհասնի 200 հազար դոլարի, Էմանուել Մակրոնը կպահպանի Ֆրանսիայի նախագահի պաշտոնը, Դոնալդ Թրամփն ու Իլոն Մասկը չեն վիճի, իսկ Իսրայելն ու ԱՄՆ-ը չեն հարվածի Իրանի միջուկային օբյեկտներին։
Պարբերականի կանխատեսումների համաձայն՝ 2025 թվականին կհայտնվեն արհեստական ինտելեկտի «գործակալներ», որոնց մարդիկ կսկսեն գործածել։ Խոսքը վերաբերում է ինքնավար խելացի համակարգերին, որոնք երկար ժամանակ առանց մարդու միջամտության առաջադրանքներ կկատարեն:
Թարգմանությունը՝ Տաթև Ֆռանգյանի
