20.02.2026 | 12:27
Ինչու հայտնի տեսագրության գործով Արշակ արքեպիսկոպոս Խաչատրյանն ունի վկայի, ոչ թե տուժողի կարգավիճակ․ ՏԵՍԱՆՅՈՒԹ
Իսրայելական ազգային ավիափոխադրողը մինչև մարտի վերջ դադարեցրել է թռիչքները դեպի ՌԴ
Քաղաքականություն
30.12.2024 | 22:03
Իսրայելի ազգային ավիափոխադրող El Al-ը երկարաձգել է Թել Ավիվից Մոսկվա թռիչքների դադարեցումը մինչև մարտի վերջ, գրում է DW-ի ռուսական ծառայությունը։
Ի սկզբանե թռիչքները դադարեցվել էին մեկ շաբաթով, երբ հայտնի դարձավ, որ Ղազախստանում կործանված ադրբեջանական Embraer 190 ինքնաթիռը խոցվել է ռուսական հակաօդային պաշտպանության կողմից։ Ավիաընկերությունը նշում է, որ «իրավիճակի համապարփակ գնահատումից» հետո El Al-ը դադարեցնում է բոլոր թռիչքները Թել Ավիվ-Մոսկվա երթուղով՝ «մինչև ձմեռային չվացուցակի ավարտը»։
Հայտարարության մեջ նշվում է նաև, որ այս որոշումը կայացվել է երկրի իշխանությունների հետ երկխոսության հիման վրա։
El Al-ը դարձել է մի քանի ավիափոխադրողներից մեկը, որը դադարեցրել է թռիչքները դեպի ռուսական օդանավակայաններ ադրբեջանական ավիաընկերության կործանումից հետո։ «Ադրբեջանական ավիաուղիները» (AZAL) ևս հայտարարել է, որ ժամանակավորապես դադարեցնում է թռիչքները Ռուսաստանի տասը քաղաքներ՝ «անվտանգության խնդիրների» պատճառով։
Qazaq Air, FlyDubai և Turkmenistan Airlines ավիաընկերությունները նույնպես հայտնել են ՌԴ որոշ քաղաքներ թռիչքների ժամանակավոր դադարեցման մասին:
Թարգմանությունը՝ Էմմա Չոբանյանի
