23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Ընտրացուցակներում ընդգրկված է 848 343 ընտրող․ ԿԸՀ-ն 3 ժամ պարբերականությամբ կներկայացնի ընտրությունների մասնակցության վերաբերյալ տեղեկատվություն
Քաղաքականություն
23.09.2018 | 10:29
Սեպտեմբերի 23-ին՝ ժամը 08։00-ին, բացվել են բոլոր ընտրատեղամասերը և արտահերթ ընտրությունների քվեարկությունը մեկնարկել է ժամանակին։ Այս մասին այսօր լրագրողների հետ զրույցում ասաց ԿԸՀ նախագահ Տիգրան Մուկուչյանը։
Վերջինս նշեց, որ արտահերթ ընտրությունների ցուցակներում ընդգրկված են 848 343 ընտրող, գործում է 475 ընտրական տեղամասեր, իսկ ընտրական հանձնաժողովների կազմերում ընդգրկված 4722 քաղաքացիներից չեն ներկայացել 31-ը, այդ թվում երկու նախագահ, երեք քարտուղար։
ԿԸՀ նախագահը նաև նշեց, որ տեղամասային կենտրոններում գրանցումը կիրականացվի 1380 տեխնիկական սարքավորումի միջոցով:
Երևանի ավագանու արտահերթ ընտրություններին դիտորդական առաքելություն կիրականացնեն 1 միջազգային կազմակերպություն, 662 տեղական դիտորդներ, իսկ ընտրությունները լուսաբանելու նպատակով հավատարմագրվել է 44 տեղական և 5 օտարերկրյա ԶԼՄ։
Տիգրան Մուկուչյանը նաև հավելեց, որ 3 ժամ պարբերականությամբ ԿՀԸ-ն Երևանի ավագանու արտահերթ ընտրությունների քվեարկության մասնակցության վերաբերյալ տեղեկատվություն կհրապարակի։
