02.01.2025 | 17:00
Մեր ժողովուրդը պետք է միավորվի հանուն Հայաստանի վաղվա օրվա ու մեր զավակների․ Էդուարդ Զորիկյան. ՏԵՍԱՆՅՈՒԹ
Ուկրաինայի ԱԳ նախարարը Դամասկոսում է․ նա հանդիպել է Սիրիայի նոր առաջնորդին
Քաղաքականություն
30.12.2024 | 20:16
Ուկրաինայի ԱԳ նախարար Անդրեյ Սիբիգայի գլխավորած պատվիրակությունը ժամանել է Դամասկոս։ Այնտեղ ուկրիանական պատվիրակությունը հանդիպել է Սիրիայի նոր առաջնորդ Ահմեդ ալ-Շարաայի հետ, գրում է ՌԲԿ-ի ուկրաինական ծառայությունը՝ վկայակոչելով միջազգային լրատվամիջոցներին։
Al Arabiya-ն առաջինն է սոցիալական ցանցում տարածել ուկրաինական պատվիրակության՝ Սիրիայի առաջնորդ Ահմեդ ալ-Շարաայի հետ հանդիպման նպատակով Դամասկոս կատարած այցի մասին տեղեկությունը՝ հղում անելով սեփական աղբյուրներին։ Ավելի ուշ սիրիական հեռուստատեսության թղթակիցը հայտնել է, որ արտաքին գործերի նախարար Անդրեյ Սիբիգայի գլխավորած պատվիրակությունը հանդիպել է Ահմեդ ալ-Շարաայի հետ։
Նշվում է, որ ուկրաինական բարձրաստիճան պատվիրակության կազմում, բացի Ուկրաինայի ԱԳՆ ղեկավարից, ներառված են նաև Ուկրաինայի ագրարային քաղաքականության և պարենի նախարար Վիտալի Կովալը և երկրի նախագահի հատուկ ներկայացուցիչը։
Սիբիգան Դամասկոս կատարած այցի ժամանակ հույս է հայտնել, որ Սիրիայի նոր իշխանությունները կհարգեն Ուկրաինայի տարածքային ամբողջականությունը։ Նրա խոսքով՝ Բաշար Ասադի ռեժիմի օրոք սիրիական իշխանությունները ճանաչել են Ղրիմի բռնակցումը, ուստի Կիևը խզել է դիվանագիտական հարաբերությունները Դամասկոսի հետ, սակայն ներկա պայմաններում դրանք վերականգնելու հնարավորություն կա։
Նա նաև նշել է, որ Կիևն ավելի շատ պարենային օգնություն կուղարկի Սիրիա։
«Մենք խոստացել ենք աջակցել պարենային անվտանգությանը և կարճ ժամանակում կիրականացնենք խոստումը։ Վաղը Սիրիա կժամանեն երկու տասնյակից ավելի բեռնատարներ՝ «Հացահատիկ Ուկրաինայից» մարդասիրական ծրագրի շրջանակում 500 տոննա ուկրաինական ալյուր մատակարարելով։ Ընդհանուր առմամբ, մենք պատրաստ ենք բազմապատիկ ավելի մատակարարել»,- հայտարարել է Ուկրաինայի ԱԳ նախարարը։
Թարգմանությունը՝ Էմմա Չոբանյանի
