27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Բայդենը հայտարարել է Ուկրաինային գրեթե 2,5 մլրդ դոլարի ռազմական օգնության փաթեթի հատկացման մասին
Քաղաքականություն
30.12.2024 | 17:53
ԱՄՆ նախագահ Ջո Բայդենը հայտարարել է Ուկրաինային գրեթե 2,5 միլիարդ դոլարի ռազմական օգնության նոր փաթեթի մասին։ Նրա անունից մամուլի հաղորդագրությունը հրապարակվել է Սպիտակ տան կայքում, գրում է Current time-ը։
Նոր փաթեթը ներառում է լրացուցիչ 1,25 միլիարդ դոլար ուկրաինական բանակի համար և 1,22 միլիարդ դոլար՝ Պենտագոնի USAI-ի (Ուկրաինայի անվտանգության աջակցության նախաձեռնություն)՝ ուկրաինացի զինվորականների վերապատրաստման ծրագրի համար:
«Ես հանձնարարել եմ իմ վարչակազմին հնարավորինս արագ շարունակել օգնություն ցուցաբերել Ուկրաինային։ Պաշտպանության նախարարությունը հարյուր հազարավոր հրետանային արկերի, հազարավոր հրթիռների և հարյուրավոր զրահատեխնիկայի մատակարարման գործընթացում է, որոնք կամրապնդեն Ուկրաինայի դիրքերը ձմռանը: Իմ հանձնարարականով՝ ԱՄՆ-ը կշարունակի անխոնջ աշխատել այս պատերազմում Ուկրաինայի դիրքերն ամրապնդելու համար՝ մինչև իմ ժամկետի ավարտը»,- ասել է Բայդենը։
Մի քանի օր առաջ Բայդենը Պենտագոնին հանձնարարել էր արագացված տեմպերով մեծացնել զենքի մատակարարումները Ուկրաինային։ Այս հայտարարությունը հաջորդել է Ուկրաինայի էներգետիկ համակարգի վրա Ռուսաստանի կողմից զանգվածային հարձակումների մասին լուրերին:
Թարգմանությունը՝ Էմմա Չոբանյանի
