08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Ադրբեջանը 200 տոննա հումանիտար օգնություն է ուղարկել Սիրիա
Քաղաքականություն
30.12.2024 | 21:00
Ադրբեջանի նախագահ Իլհամ Ալիևի հանձնարարությամբ մարդասիրական օգնություն է ուղարկվել Սիրիայի բնակչությանը։ Այս մասին լրագրողներին հայտնել է Ադրբեջանի ԱԳՆ մամուլի ծառայության ղեկավար Այխան Հաջիզադեն։
Նա նշել է, որ 10 բեռնատարներից բաղկացած շարասյունը կմատակարարի մոտ 200 տոննա պարենային ապրանքներ։ Հաջիզադեն ասել է, որ բեռնատարներն Ադրբեջանից ուղևորվելու են Վրաստան, Թուրքիա ու Սիրիա, իսկ այնտեղից՝ Իդլիբ։ Ակնկալվում է, որ օգնությունը բաշխելու է թուրքական AFAD-ը։
Ադրբեջանի ԱԳՆ խոսնակը նաև հայտարարել է, որ քննարկվում է Սիրիայում երկրի դեսպանատան աշխատանքի վերականգնման հնարավորությունը։ Նա նշել է, որ Ադրբեջանի պատվիրակությունը ԱԳ փոխնախարար Յալչին Ռաֆիևի գլխավորությամբ հանդիպում է ունեցել Սիրիայի անցումային կառավարության արտաքին գործերի նախարարի հետ։
«Հանդիպման ընթացքում քննարկվել են Սիրիայի և Ադրբեջանի միջև համագործակցության հարցեր։ Ինչպես գիտեք՝ Սիրիայում Ադրբեջանի դեսպանատան գործունեությունը դադարեցվել է 2012 թվականին։ Այս փուլում քննարկվում է դրա աշխատանքը վերսկսելու հարցը»,- ասել է Հաջիզադեն։
Թարգմանությունը՝ Էմմա Չոբանյանի
