10.08.2026 | 18:11
Պռոշյան բնակավայրում բռնկված հրդեհը մարվել է
Մահացել է ԱՄՆ 39-րդ նախագահ Ջիմի Քարթերը․ Բայդենը հունվարի 9-ը համազգային սգո օր է հայտարարել
Քաղաքականություն
30.12.2024 | 10:15
ԱՄՆ-ում մահացել է ԱՄՆ նախկին նախագահ Ջիմի Քարթերը, որը երկրի ղեկավարն է եղել 1977-1981 թվականներին։ Այս մասին կիրակի՝ դեկտեմբերի 29-ին, հայտնել է The Washington Post-ը՝ վկայակոչելով քաղաքական գործիչ Ջեյմս Էրլ Քարթերի որդուն։
Քաղաքական գործիչը, որը հայտնի է Վիետնամի պատերազմից խույս տվողների համաներմամբ, Իսրայելի և Եգիպտոսի միջև Քեմփ Դեյվիդի համաձայնագրով և ԽՍՀՄ-ի հետ ռազմավարական սպառազինությունների սահմանափակման պայմանագրով, մահացել է Ջորջիա նահանգի Փլեյնս քաղաքում գտնվող իր տանը: Մահվան պահին Քարթերը 100 տարեկան էր. նա դարձավ ԱՄՆ առաջին նախագահը, ով ապրեց մինչև այդ տարիքը:
Քարթերը հայտնի է նաև իր հետնախագահական՝ մարդու իրավունքների և մարդասիրական աշխատանքով: 2002 թվականին նա ստացել է Խաղաղության Նոբելյան մրցանակ «աշխարհում հակամարտությունները խաղաղ ճանապարհով լուծելու իր ջանքերի համար»։
ԱՄՆ նախագահ Ջո Բայդենը հունվարի 9-ը համազգային սգո օր է հայտարարել Ջիմի Քարթերի համար։
