10.08.2026 | 17:49
Թուրքիայի հայոց պատրիարքությունը զորակցություն է հայտնել Գարեգին Բ-ին և եպիսկոպոսներին
Բաքուն մերժել է ԱՊՀ Միջազգային ավիացիոն կոմիտեի կողմից ավիաաղետը հետաքննելու՝ ՌԴ-ի և Ղազախստանի առաջարկը
Քաղաքականություն
27.12.2024 | 19:17
Ադրբեջանական օդանավի կործանումից հետո Ռուսաստանն ու Ղազախստանն առաջարկել են, որ ԱՊՀ Միջազգային ավիացիոն կոմիտեին հետաքննի միջադեպը։ Սակայն ադրբեջանական իշխանամերձ APA գործակալությանը կառավարության աղբյուրները հայտնել են, որ Ադրբեջանը մերժել է այս առաջարկը։
Պաշտոնական Բաքուն պահանջում է միջադեպի հետաքննության անցկացում միջազգային փորձագետների խմբի և Embraer-ի մասնագետների կողմից։ Ադրբեջանը կարծում է, որ այդ խումբը նաև պետք է վերծանի սև արկղը։
Հիշեցնենք, որ այսօր ավելի վաղ ադրբեջանական իշխանամերձ լրատվամիջոցները հայտնել էին, որ Չեչնիայի իշխանությունները ղեկավար Ռամզան Կադիրովի հանձնարարությամբ պատրաստակամություն են հայտնել ֆինանսական և այլ օգնություն ցուցաբերել օդանավի կործանման հետևանքով բոլոր զոհվածների և վիրավորների ընտանիքներին։ Սակայն Ադրբեջանի նախագահ Իլհամ Ալիևի աշխատակազմի անանուն ներկայացուցիչը հայտնել է, որ երկիրը ոչ մի օգնության կարիք չունի և այն չի ընդունի։ Փոխարենը Բաքուն պահանջում է փաստի ճանաչում, ներողություն և համապատասխան փոխհատուցման վճարում։
Թարգմանությունը՝ Էմմա Չոբանյանի
