30.04.2026 | 15:42
Եվգենի Լովչևն․ Արսեն Զախարյանը կոտրեց իր ֆուտբոլային կարիերան հանուն արտասահման տեղափոխվելու
Ադրբեջանը Կադիրովից մտադիր չէ որևէ օգնություն ընդունել, այլ պահանջում է փաստի ճանաչում ու ներողություն․ Ալիևի աշխատակազմի աղբյուր
Քաղաքականություն
27.12.2024 | 18:52
Չեչնիայի իշխանությունները նախօրեին հայտնել են, որ հանրապետության ղեկավար Ռամզան Կադիրովի հանձնարարությամբ պատրաստ են ֆինանսական և այլ օգնություն ցուցաբերել ադրբեջանական ավիաուղիների Բաքու-Գրոզնի չվերթի օդանավի կործանման հետևանքով բոլոր զոհվածների և վիրավորների ընտանիքներին։
Ադրբեջանական իշխանամերձ լրատվամիջոցները, վկայակոչելով նախագահ Իլհամ Ալիևի աշխատակազմի անանուն ներկայացուցչին, հայտնում են, որ երկիրը չի ընդունի ոչ մի օգնություն։
«Ադրբեջանը ոչ մի օգնության կարիք չունի։ Ո՛չ պետությունը, ո՛չ քաղաքացիները չեն ընդունի նման օգնություն։ Մենք ցուցաբերում ու կշարունակենք ցուցաբերել անհրաժեշտ օգնություն մեր քաղաքացիներին։ Ադրբեջանը պահանջում է փաստի ճանաչում, ներողություն և համապատասխան փոխհատուցման վճարում»,- ասել է Ալիևի աշխատակազմի աղբյուրը:
Հավելենք, որ ավելի վաղ Euronews-ն ու Reuters-ը, ադրբեջանական կառավարական աղբյուրներին վկայակոչելով, հայտնել էին, որ ադրբեջանական օդանավը խոցվել է ռուսական ՀՕՊ համակարգի կողմից։ Նման տեղեկություն է հայտնել նաև ադրբեջանական իշխանամերձ Caliber.az-ը։
Թարգմանությունը՝ Էմմա Չոբանյանի
