06.06.2026 | 15:55
ՀՀ ընտրողների ռեգիստրում ընդգրկվածների ընդհանուր թիվը հունիսի 6-ի դրությամբ կազմել է 2 միլիոն 485 հազար 851
9 հազար տոննայից ոչ ավելի ծավալով մսամթերքի արտադրության համար նախատեսված միսը կազատվի մաքսատուրքից
Տնտեսություն
27.12.2024 | 12:34
Գործադիրի այսօրվա նիստում որոշում կայացվեց, որի համաձայն՝ 9 հազար տոննայից ոչ ավելի ծավալով մսամթերքի արտադրության համար նախատեսված խոշոր եղջերավոր անասունների միսն ազատվում է ներմուծման մաքսատուրքից։
Համաձայն որոշման՝ սակագնային քվոտայի շրջանակներում՝ Հայաստանից ներմուծվող 9,5 հազար տոննա խոշոր եղջերավոր անասունների մսից 9 հազար տոննայից ոչ ավելի ծավալով, մսամթերքի արտադրության համար նախատեսված միսն ազատվում է ներմուծման մաքսատուրքից։
Ըստ կառավարության հիմնավորման՝ Եվրասիական տնտեսական հանձնաժողովը առանձին տեսակի գյուղատնտեսական ապրանքների նկատմամբ սակագնային քվոտայի կիրառելու որոշում է կայացրել:
Համաձայն որոշման՝ 2025 թվականի համար Հայաստանին հատկացվել է 9,5 հազար տոննա ծավալով խոշոր եղջերավոր անասունների մսի հանդեպ սակագնային քվոտա։
