10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
Ամերիկացի պաշտոնյան ՌԴ-ին է մեղադրել ադրբեջանական ինքնաթիռը խոցելու մեջ
Քաղաքականություն
27.12.2024 | 10:58
Նախնական նշանները հուշում են, որ Ռուսաստանն է խոցել «Ադրբեջանական ավիաուղիների» ինքնաթիռը, որը կործանվել է Ղազախստանում։ Այս մասին հայտարարել է ամերիկացի պաշտոնյան՝ անանունության պայմանով, գրում է The Telegraph-ը։
Ադրբեջանական կողմը ևս նախնական հետաքննությունից հետո հայտարարել էր, որ ինքնաթիռը խոցվել է ռուսական հակաօդային պաշտպանության համակարգի կողմից։ Ադրբեջանական կառավարական աղբյուրները հայտնել են, որ ինքնաթիռը հարձակման է ենթարկվել ռուսական Pantsir-S հակաօդային պաշտպանության համակարգի կողմից Գրոզնիին մոտենալու ժամանակ։
Նշվում է, որ ինքնաթիռի կապի համակարգն «ամբողջությամբ կաթվածահար է եղել», ինչի հետևանքով այն անհետացել է Ռուսաստանի օդային տարածքում ռադարներից։ Ինքնաթիռը նորից հայտնվել է միայն այն ժամանակ, երբ կործանվելուց անմիջապես առաջ թռել է Կասպից ծովի վրայով։
Ադրբեջանում հետաքննության մասին տեղեկություններին տիրապետող չորս տարբեր աղբյուրներ ևս հայտնել են, որ ինքնաթիռը խոցվել է ռուսական հակաօդային պաշտպանության համակարգի կողմից։
Թարգմանությունը՝ Էմմա Չոբանյանի
