Քաղաքականություն
27.12.2024 | 10:45
Հարավային Կորեայի հետախուզությունը հաստատել է, որ ուկրաինական ուժերը գերի են վերցրել հյուսիսկորեացի զինվորի, որը կռվել է Ռուսաստանի կողմից Ուկրաինայի դեմ պատերազմում, գրում է BBC-ի ռուսական ծառայությունը։
«Դաշնակից երկրի հետախուզական ծառայության հետ տեղեկատվության փոխանակման միջոցով հաստատվել է, որ մեկ վիրավոր հյուսիսկորեացի զինվոր է գերի ընկել»,- ասվում է Հարավային Կորեայի Ազգային հետախուզության ծառայության (NIS) հայտարարության մեջ։
Ավելի վաղ սոցցանցերում հայտնվել էր զինվորի լուսանկար, որը, ենթադրաբար, գերի է ընկել։ Ուկրաինական կողմը պաշտոնապես չէր մեկնաբանել այս տեղեկությունը։
Հյուսիսային Կորեայի հետախուզության աղբյուրը AFP-ին հայտնել է, որ զինծառայողն իսկապես գերեվարվել է ուկրաինական բանակի կողմից, սակայն կոնկրետ որտեղ է դա տեղի ունեցել, հայտնի չէ։
Երկուշաբթի Ուկրաինայի նախագահ Վլադիմիր Զելենսկին հայտարարել էր, որ Կուրսկի շրջանում ռուսական բանակի կողմից կռվող հյուսիսկորեացիների զոհերի և վիրավորների թիվը գերազանցել է երեք հազարը։
Թարգմանությունը՝ Տաթև Ֆռանգյանի
