07.09.2026 | 16:36
Ռեստորանային համալիրում 38-ամյա տղամարդ է ձերբակալվել․ նրա մոտ հրացան է հայտնաբերվել
Ի՞նչ պետք է դիտարկեք, իմ հայտարարությունը դիտարկման ենթակա չէ․ Փաշինյանի ու Լուկաշենկոյի լեզվակռիվը․ ՏԵՍԱՆՅՈՒԹ
Քաղաքականություն
26.12.2024 | 19:15
Իմ հայտարարությունը քննարկման ենթակա չէ։ Եվրասիական տնտեսական բարձրագույն խորհրդի ընդլայնված կազմով նիստի ժամանակ այսպես է արձագանքել ՀՀ վարչապետ Նիկոլ Փաշինյանը՝ ի պատասխան Լուկաշենկոյի վրդովմունքի այն բանից հետո, երբ Փաշինյանը հայտարարել է, որ դեմ չէ Բելառուսի առաջարկին, որ ԵՏՄ հաջորդ նիստը տեղի ունենա Մինսկում, սակայն ՀՀ-ն նախապես հայտարարում է, որ տեսակապի միջոցով կմասնակցի նիստին։
«Ի՞նչ խնդիր ունեք, Մինսկը հեռո՞ւ է, թե՞ մարդ չկա, որ ձեզ բերի։ Լավ, անհրաժեշտության դեպքում կկազմակերպենք ձեր պատվիրակության առաքումը»,- ասել է Լուկաշենկոն ԵՏՄ գագաթնաժողովում։
Ի պատասխան՝ Փաշինյանը հայտարարել է, որ Բելառուս մեկնելու վերաբերյալ հայտարարություն արդեն արել է։ Լուկաշենկոն էլ պատասխանել է, որ կդիտարկեն այդ հարցը։
«Ի՞նչ կա դիտարկելու, իմ հայտարարությունը դիտարկման ենթակա չէ»,- արձագանքել է Փաշինյանը։
«Մենք կքննարկենք… միգուցե հեռուստացույց չլինի, որպեսզի կարողանաք հեռակա խոսել»,- հակադարձել է Լուկաշենկոն։
«Ըմբռնումով եմ մոտենում, միգուցե Ձեզ մոտ նաև հեռուստացույցերի հետ կապված խնդիրներ են առաջացել»,- պատասխանել է Փաշինյանը։
Մանրամասները՝ տեսանյութում։
Տաթև Ֆռանգյան
