09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Նիկոլ Փաշինյանը ներկայացրել է ԵՏՄ-ում ՀՀ նախագահության առաջնահերթությունները
Քաղաքականություն
26.12.2024 | 16:36
2024 թվականին ԵՏՄ մարմիններում Հայաստանի նախագահության հիմնական առաջնահերթությունները վերաբերում էին տնտեսական փոխգործակցության առանցքային ոլորտներին։ Այս մասին Սանկտ Պետերբուրգում Եվրասիական բարձրագույն խորհրդի նիստի ժամանակ հայտարարել է ՀՀ վարչապետ Նիկոլ Փաշինյանը, որը տեսակապով է նախագահել նիստը՝ կորոնավիրուսի թեստի դրական արդյունքի պատճառով։
«Եվրասիական տնտեսական միության մարմիններում ՀՀ նախագահության ժամկետը մոտենում է ավարտին։ Մեր նախագահության հիմնական առաջնահերթությունները, ինչպես հայտնի է, ընդգրկում էին տնտեսական փոխգործակցության առանցքային ոլորտները՝ էներգետիկ ոլորտում ընդհանուր շուկաների ստեղծումը, ԵՏՄ ներքին շուկայում խոչընդոտների վերացումը, տրանսպորտային և լոգիստիկ ենթակառուցվածքների զարգացումը, միջազգային կապերի ամրապնդումը»,- նշել է նա։
Փաշինյանը հավելել է, որ «առաջնահերթությունների թվում էին նաև համագործակցության ներուժի և թվային տեխնոլոգիաների զարգացումը, ինչպես նաև ՏՏ համայնքների ջանքերի համախմբումը ագրոարդյունաբերական համալիրում նորարարական լուծումներ ներմուծելու ուղղությամբ»։
Ըստ նրա՝ Հայաստանի նախագահության առաջնահերթությունների իրականացման ԵՏՀ գործողությունների ծրագիրը ինտենսիվ էր և արտացոլում է իր հունվարյան ելույթում ուրվագծված ընթացիկ ուղղությունները։ Փաշինյանը հույս է հայտնել որ դրա մանրամասներն ու մի շարք այլ հարցեր կքննարկվեն նիստում։
Թարգմանությունը՝ Էմմա Չոբանյանի
