26.12.2024 | 23:16
Ռուսաստանին և Ադրբեջանին թույլ չեն տա մասնակցել ինքնաթիռի կործանման քրեագիտական հետաքննությանը
Կրեմլը չի շտապում Ղազախստանում ադրբեջանական ինքնաթիռի կործանման պատճառները մեկնաբանել
Քաղաքականություն
26.12.2024 | 16:09
Ղազախստանի Ակտաու քաղաքի մոտակայքում տեղի ունեցած ավիավթարի պատճառների մասին վարկածներ կառուցելը ճիշտ չէ հիմա, երբ հետաքննություն է ընթանում։ Ոչ ոք դրանով չպետք է զբաղվի, Կրեմլը նույնպես չի անի։ Այս մասին ճեպազրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ներկայում հետաքննություն է ընթանում, ցանկացած ավիացիոն միջադեպ պետք է հետաքննվի մասնագիտացված ավիացիոն իշխանությունների կողմից։ Պետք է սպասել այդ հետաքննության ավարտին։ Սխալ կլինի նախաքննության եզրակացություններից առաջ ինչ-որ վարկածներ կառուցել, և մենք, իհարկե, դա չենք կարող անել, ոչ ոք դա չպետք է անի»,- ասել է Պեսկովը։
Հիշեցնենք, որ ղազախական Ակտաուում Բաքվից Գրոզնի թռչող AZAL ինքնաթիռի ավիավթարի հետևանքով 38 մարդ է զոհվել։ Ինքնաթիռի ուղևորներից 37-ը եղել են Ադրբեջանի քաղաքացիներ (որոնցից 23-ը զոհվել են), 16-ը՝ Ռուսաստանի (7 զոհ), 6-ը՝ Ղազախստանի (բոլորը մահացել են), 3 հոգի եղել են Ղրղզստանի քաղաքացիներ (բոլորը ողջ են մնացել)։
Ավիաաղետի տարբեր վարկածներ են քննարկվում։
Թարգմանությունը՝ Էմմա Չոբանյանի
