09.09.2026 | 10:27
Հայաստանում սպասվում է ջերմաստիճանի զգալի բարձրացում. Լևոն Ազիզյան
Ֆրանսիան փակ ուղիներով առանց Կիևի մասնակցության Ուկրաինայի հարցով երկխոսության առաջարկ է արել․ Լավրով
Քաղաքականություն
26.12.2024 | 15:41
Ռուսաստանը Ֆրանսիայից առաջարկներ է ստացել Ուկրաինայի հակամարտության շուրջ երկխոսություն սկսելու վերաբերյալ՝ առանց Կիևի մասնակցության, ռուսական և արտասահմանյան լրատվամիջոցներին տված հարցազրույցում հայտարարել է արտգործնախարար Սերգեյ Լավրովը, փոխանցում է ՌԻԱ Նովոստին։
«Մենք մի քանի անգամ փակ ուղիներով հարցումներ ենք ստացել մեր ֆրանսիացի գործընկերներից՝ «Եկեք օգնենք, եկե՛ք երկխոսություն հաստատենք ուկրաինական հարցի շուրջ»։ Ի դեպ՝ առանց Ուկրաինայի»,- պնդել է Լավրովը։
Ռուսաստանցի պաշտոնյան նշել է, որ Փարիզի նման ազդակները խախտում են արևմտյան կանոնը՝ «ոչ մի խոսք Ուկրաինայի մասին՝ առանց Ուկրաինայի»։ Միևնույն ժամանակ, Ֆրանսիան Ուկրաինա խաղաղապահներ ուղարկելու նախաձեռնողն է և մարզում է ուկրաինական զինված ուժերի զինծառայողներին, հիշեցրել է Լավրովը։
Թարգմանությունը՝ Տաթև Ֆռանգյանի
