20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Թուրքիան Սիրիայում PKK-ին ոչնչացնելու մեծ ծրագիր է պատրաստում. Hürriyet
Քաղաքականություն
26.12.2024 | 16:31
Թուրքական իշխանությունները Սիրիայում Քուրդիստանի աշխատավորական կուսակցության (PKK) զինյալներին ոչնչացնելու մեծ ծրագիր են պատրաստում, գրում է կառավարամետ Hürriyet-ը՝ չհստակեցնելով՝ արդյո՞ք սա ռազմական գործողություն է, փոխանցում է ՌԻԱ Նովոստին:
Պարբերականն ավելի վաղ հայտնել էր, որ Անկարան և Դամասկոսը կարող են համատեղ ռազմական գործողություններ իրականացնել Սիրիայում քուրդ զինյալների դեմ, եթե նրանք հրաժարվեն վայր դնել զենքերը։
Թուրքիայի առաջնորդ Ռեջեփ Թայիփ Էրդողանը երկուշաբթի հայտարարել է, որ Արևմուտքի աջակցությունն արգելված Քուրդիստանի աշխատավորական կուսակցության (PKK) զինյալներին սպառվում է՝ զգուշացնելով, որ «շրջանակը նեղանում է» խմբավորման կողմնակիցների համար:
«PKK-YPG-ի համար հետհաշվարկը սկսվել է, մեծ ծրագիր է իրականացվում, PKK-ն ոչնչացվելու է ոչ միայն Սիրիայում, այլ նաև Թուրքիայում։ Կա՛մ զենքերը վայր են դնում, կա՛մ կստիպեն վայր դնել զենքերը և կոչնչացվեն»,- գրում է պարբերականը։
Թարգմանությունը՝ Տաթև Ֆռանգյանի
