08.10.2026 | 17:43
Առուշանյանը ՔՊ կուսակցության անդամ չէ և չի պատրաստվում դառնալ․ Արմեն Խաչատրյան․ ՏԵՍԱՆՅՈՒԹ
Ադրբեջանական օդանավի վթարից փրկված ՌԴ 9 քաղաքացիները տեղափոխվել են Մոսկվա
Քաղաքականություն
26.12.2024 | 11:47
Ղազախստանի արևմտյան Ակտաու քաղաքում «Ադրբեջանական ավիաուղիների» օդանավի կործանումից փրկված ՌԴ ինը քաղաքացիները, այդ թվում՝ մեկ երեխան, դեկտեմբերի 26-ի առավոտյան ՌԴ ԱԻՆ Իլ-76 օդանավով մեկնել են Մոսկվա։ Այս մասին հայտնում են ԱԻՆ լրատվական ծառայությունից, գրում է Meduza-ն։
Տարհանված ռուսաստանցիների վիճակը գնահատվում է ծանր, սակայն նրանք ենթակա են եղել տեղափոխման, ասել է ՌԴ ԱԻՆ «Ցենտրոսպաս» ջոկատի ռեանիմատոլոգ Վիկտոր Բելինսկին։
Օդանավի կործանումից հետո Ակտաուի տարածաշրջանային բազմամասնագիտական հիվանդանոց է տեղափոխվել 27 տուժած, որոնցից 15-ը՝ Ադրբեջանի, 8-ը՝ Ռուսաստանի, 3-ը՝ Ղրղզստանի քաղաքացիներ, ինչպես նաև մեկ զոհ, ում ինքնությունը չի պարզվել։
Ինքնաթիռի ուղևորներից 37-ը եղել են Ադրբեջանի քաղաքացիներ (որոնցից 23-ը զոհվել են), 16-ը՝ Ռուսաստանի (7 զոհ), 6-ը՝ Ղազախստանի (բոլորը մահացել են), 3-ը՝ Ղրղզստանի քաղաքացիներ (բոլորը ողջ են մնացել)։
Թարգմանությունը՝ Էմմա Չոբանյանի
