09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Բայդենը հայտարարել էր, որ ռուսական հրթիռակոծությունից հետո ավելի շատ զենք կուղարկի Ուկրաինա
Քաղաքականություն
26.12.2024 | 11:16
ԱՄՆ նախագահ Ջո Բայդենը հայտարարություն է արել Ուկրաինային ուղղված հերթական զանգվածային հարվածի առնչությամբ, որը ռուսական զորքերն իրականացրել են Սուրբ Ծննդյան առավոտյան, գրում է BBC-ի ռուսական ծառայությունը։
«Այս վրդովեցնող հարձակման նպատակն է սահմանափակել ուկրաինացի ժողովրդի հասանելիությունը ջերմությանը և էլեկտրաէներգիային և վնասել նրանց էներգահամակարգի անվտանգությունը», – ասվում է Բայդենի Սպիտակ տան կայքում տեղադրված հայտարարության մեջ:
«Վերջին ամիսներին Միացյալ Նահանգները հարյուրավոր հակաօդային պաշտպանության հրթիռներ է տրամադրել Ուկրաինային, և ավելի մեծ քանակ էլ ճանապարհին է։ Ես հրամայել եմ պաշտպանության նախարարությանը շարունակել մեծացնել զենքի մատակարարումները Ուկրաինա, և Միացյալ Նահանգները անխոնջ կաշխատի ուժեղացնելու Ուկրաինայի դիրքերն ու պաշտպանությունը ռուսական ուժերի դեմ»:
Ուրբաթ օրը Reuters-ը հայտնել է, որ Միացյալ Նահանգները պատրաստվում է Ուկրաինա ուղարկել 1,2 միլիարդ դոլարի ռազմական օգնության փաթեթ։ Դա կարող է լինել հեռացող վարչակազմի վերջին քայլերից մեկը՝ աջակցելու Կիևին մինչև Դոնալդ Թրամփի Սպիտակ տուն վերադառնալը:
Թարգմանությունը՝ Տաթև Ֆռանգյանի
