24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ադրբեջանական օդանավի կործանումից փրկվել է 29 մարդ, զոհերի թիվը 38 է
Քաղաքականություն
26.12.2024 | 10:58
Բաքվից Գրոզնի թռչող AZAL ինքնաթիռի վթարի հետևանքով զոհերի թիվը 38 է։ Ադրբեջանական լրատվամիջոցների հաղորդմամբ՝ այս մասին հայտարարվել է Ղազախստանի փոխվարչապետի և աղետը հետաքննող հանձնաժողովի ղեկավար Կանատ Բոզումբաևը Ակտաուում կայացած մամուլի ասուլիսում։
Նշվում է, որ ինքնաթիռում եղել է անձնակազմի 5 անդամ և 62 ուղևոր՝ ընդհանուր 67 մարդ, նրանցից 29 ողջ է մնացել։ Նրանք տարբեր աստիճանի վնասվածքներով հոսպիտալացվել են, ոմանց վիճակը ծանր է։
Ինքնաթիռի ուղևորներից 37-ը եղել են Ադրբեջանի քաղաքացիներ (23-ը զոհվել է), 16-ը` Ռուսաստանի (7 զոհ), 6-ը` Ղազախստանի (բոլորը մահացել են), 3-ը՝ Ղրղզստանի քաղաքացիներ (բոլորը ողջ են մնացել)։ Անձնակազմի 5 անդամներից 2-ը մահացել են, 3-ը ողջ են մնացել։
Ինքնաթիռի «սև արկղն» արդեն հայտնաբերվել է։
Հավելենք, որ Ադրբեջանում այսօր սգո օր է հայտարարված։
Թարգմանությունը՝ Էմմա Չոբանյանի
