26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Ձախողվե՞լ է տոմսային համակարգի ներդրումը. Ավինյանը չպատասխանեց լրագրողի հարցին. ՏԵՍԱՆՅՈՒԹ
Քաղաքականություն
25.12.2024 | 18:45
«Միասնական տոմսային համակարգը ներդրվելու է հունվարի մեկից․ փաստացի ամբողջապես անցնում ենք անկանխիկ եղանակով վճարումների և ընդամենը մեկ ամիս ժամանակ ենք տալիս բոլոր այն մարդկանց, որոնք պետք է անցնեն նոր տոմսային պրոդուկտների»,- լրագրողների հետ ճեպազրույցում ասաց Երևանի քաղաքապետ Տիգրան Ավինյանը։
Այս պահի դրությամբ՝ ձախողվե՞լ է տոմսային համակարգը, Ավինյանը լրագրողի հարցին չպատասխանեց։
Նշենք, որ տրանսպորտի սակագների փոփոխությունը հետաձգվել է մինչև 2025 թվականի փետրվար։ Երևանի քաղաքապետի մամուլի քարտուղարն օրերս հայտնեց, որ մինչև 2025 թվականի փետրվարի 1-ը նոր փաթեթների հետ միաժամանակ կպահպանվեն մեկ երթևեկության համար նախատեսված 100 դրամանոց արժեքը՝ բացառապես էլեկտրոնային եղանակով՝ Tellcell Wallet-ով, վճարային տերմինալներով ձեռք բերված թղթային QR տոմսերով, ինչպես նաև բանկային քարտերով։ Տրոլեյբուսներից օգտվելու ժամանակ մինչև 2025 թվականի փետրվարի 1-ը ուղետոմսի 50 դրամ արժեքը կշարունակի գործել: Մետրոյից օգտվելու ժամանակ մինչև 2025 թվականի փետրվարի 1-ը ուղետոմսի 100 դրամ արժեքը կշարունակի գործել։ Իսկ մետաղադրամ ընդունող սարքերը հունվարի 1-ից կապարակնքված կլինեն։
Մանրամասները՝ տեսանյութում։
Արփի Հակոբյան
