08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ռուսները դիտարկում են Հայաստանի ընտրանու հետ ընկերական հանդիպում անցկացնելու տարբերակը
25.12.2024 | 15:37
Ռուսաստանի ֆուտբոլի միության (ՌՖՄ) նախագահ Ալեքսանդր Դյուկովը РИА Новости-ին հայտնել է, որ Ռուսաստանի ֆուտբոլի հավաքականը 2025 թվականի առաջին կեսին հանդիպումներ կանցկացնի եվրոպական ընտրանիների հետ․ գրում է armsport-ը։
2026 թվականի աշխարհի առաջնության եվրոպական որակավորման մրցաշարի վիճակահանության ընթացքում, որը կայացավ դեկտեմբերի 13-ին, կազմվեց 2025 թվականի մրցաշարային օրացույցը։ Մարտի և հունիսի խաղային պատուհանները ազատ են մնացել 24 հավաքականների, ներառյալ Բելառուսի, Հայաստանի, Հունգարիայի, Թուրքիայի, Վրաստանի, Բուլղարիայի և Ադրբեջանի հավաքականների համար:
«Մենք պլանավորում ենք խաղեր և՛ մարտին, և՛ հունիսին։ Խոսքը նաև եվրոպական հավաքականների մասին է»,- նշել է Դյուկովը։
Ռուսաստանի հավաքականները և ակումբները հեռացվել էին միջազգային մրցաշարերից 2022 թվականի փետրվարին՝ Ուկրաինայի տարածքում ՍՎՕ-ի պատճառով։ Այդ ժամանակից ի վեր Ռուսաստանի հավաքականը անցկացրել է 13 հանդիպում, որոնցից երկուսը՝ Սերբիայի և Բելառուսի հավաքականների դեմ, և երկուսն էլ ավարտվել են 4:0 հաշվով հաղթանակով։
