21.01.2026 | 23:30
Ինչ իրավիճակ է Հայաստանի ճանապարհներին և Լարսում
Եթե քաղաքապետ ընտրվի Հայկ Մարությանը, ապա կշնորհավորեմ Նիկոլ Փաշինյանին․ Նաիրա Զոհրաբյան․ ՏԵՍԱՆՅՈՒԹ
Քաղաքականություն
21.09.2018 | 18:48
«Բարգավաճ Հայաստան» կուսակցության Երևանի քաղաքապետի թեկնածու Նաիրա Զոհրաբյանը շնորհակալ է վարչապետ Նիկոլ Փաշինյանին իրեն զորակցելու համար, սակայն, միևնույն ժամանակ հորդորում է Նիկոլ Փաշինյանին միանալ իրեն և իր հետ պայքարել «Քաղաքացիական պայմանագիր» կուսակցության այն անդամների հետ, ովքեր քարոզարշավի օրերին հայոհանքներ են տարածել ոչ միայն իր, այլ նաև «Լույս» դաշինքի քաղաքապետի թեկնածու Արտակ Զեյնալյանի հասցեին։
Նաիրա Զոհրաբյանը նաև շեշտեց, որ արդեն իսկ սկսել է իրավական գործընթաց միջազգային հարթակներում, ինչը չի կարող կանխել անգամ վարչապետի զորակցությունը։ ԲՀԿ քաղաքապետի թեկնածուն ևս մեկ անգամ առաջարկ արեց «Իմ քայլը» դաշինքի քաղաքապետի թեկնածու Հայկ Մարությանին՝ հրավիրելով նրան ուղիղ եթերում բանավեճի՝ շեշտելով, որ դրա համար կա ընդամենը 4 ժամ ժամանակ։
Անդրադառնալով ԲՀԿ-ի խոստացած ներդրումային փաթեթների մասին հարցին՝ Նաիրա Զոհրաբյանը նշեց, որ, եթե ինքը քաղաքապետ չընտրվի, միևնույնն է, կհորդորի ներդրողներին ծրագրեր իրականացնել Երևանում։
ԲՀԿ քաղաքապետի թեկնածուն նաև շեշտեց․
«Եթե «Իմ քայլը» դաշինքի թեկնածու Հայկ Մաությանը հաղթի, ես կշնորհավորեմ Նիկոլ Փաշինյանին Երևանի քաղաքապետ ընտրվելու համար»։
Մանրամասները՝ տեսանյութում։
