25.12.2024 | 22:59
Վթար Երևան-Երասխ ավտոճանապարհին․ կա տուժած
Թուրքիայի տրանսպորտի նախարարը հայտարարել է, թե «Զանգեզուրի միջանցքն» այլընտրանքային երթուղի է լինելու
Քաղաքականություն
25.12.2024 | 11:16
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, թե, այսպես կոչված, «Զանգեզուրի միջանցքն» այլընտրանքային երթուղի և թողունակություն կապահովի, գրում է Անադոլուն։
«Ներկայիս Բաքու-Թբիլիսի-Կարս երկաթուղային կապը որոշակի հզորություն ունի։ Այն գիծ է, որը նաև Վրաստանի տարածքով կապ է ապահովում Սև ծովի նավահանգիստների հետ։ Բայց բեռները կարող են նաև ուղղակիորեն գնալ: Պետք է այլընտրանք լինի։ Գիծ կա, որը սկսվում է Կարսից և գնում դեպի Իգդիր-Դիլուջա, այնտեղից՝ Նախիջևան։ Այս ճանապարհի 43 կմ-ն անցնում է Հայաստանով, 61 կմ-ը՝ Իրանով, այնուհետև Ադրբեջանից Կապից ծովով անցնում է դեպի Հեռավոր Արևելք: Այս նախագծի վրա աշխատանքները կսկսվեն առաջիկա ամիսներին։ Նախիջևանի երկաթուղային գիծը կվերանորոգվի։ Սա լրացուցիչ հզորություն կապահովի՝ ստեղծելով այլընտրանքային երթուղի։ Մեզ համար կարևոր է Ադրբեջանի մոտեցումը, թե կոնկրետ որտեղով կանցնի»,- ասել է թուրք պաշտոնյան։
Նա հավելել է՝ «Միջին միջանցքն» ավելի շատ կենտրոնացած է երկաթուղիների և ճանապարհների վրա, խոսքը երթուղու մասին է, որով Չինաստանից Լոնդոն բեռները կարող են առաքվել 18 օրում։
Թարգմանությունը՝ Էմմա Չոբանյանի
