25.12.2024 | 22:59
Վթար Երևան-Երասխ ավտոճանապարհին․ կա տուժած
ՀԱՄԱՍ-ը չի ներկայացրել ողջ մնացած իսրայելցի պատանդների ցուցակը. Jerusalem Post
Քաղաքականություն
25.12.2024 | 11:49
Իսրայելի պաշտոնյաները կարծում են, որ Գազայի հատվածում հրադադարի շուրջ բանակցությունները պաղեստինյան ՀԱՄԱՍ շարժման հետ կշարունակվեն։ Այս մասին գրել է Jerusalem Post-ը։
Միաժամանակ, պարբերականի զրուցակիցները կարծիք են հայտնել, որ հնարավոր չէ համաձայնության գալ անկլավում պահվող ողջ մնացած իսրայելցիների ցուցակի բացակայության պայմաններում։ Ըստ աղբյուրի՝ միջնորդները ճնշում են գործադրում ՀԱՄԱՍ-ի վրա, սակայն սպանված առաջնորդ Յահյա Սինվարի կրտսեր եղբայրը՝ Մուհամմեդ Սինվարը, հրաժարվում է տրամադրել ցուցակը։
Դեկտեմբերի 21-ին պաղեստինցի բանակցողներից մեկը հայտնել էր, որ պատանդների մասին համաձայնագիրը և հրադադարի շուրջ բանակցություններն ավարտվել են 90%-ով:
Անցյալ շաբաթ էլ լիբանանյան Al-Mayadin հեռուստաալիքը հայտնել էր, որ գործարքի դեպքում ՀԱՄԱՍ-ը կարող է առաջին փուլով ազատ արձակել 34 պատանդի։ Իսրայելը պնդում է, որ բոլոր պատանդները պետք է ազատ արձակվեն։ Գազայի հատվածում, ըստ տվյալների, պահվում է 101 իսրայելցի, որոնցից մոտ 40-ը համարվում է մահացած։
Թարգմանությունը՝ Տաթև Ֆռանգյանի
