Քաղաքականություն
24.12.2024 | 18:22
Սիրիական զինյալ խմբերը համաձայնել են լուծարվել և աշխատել Սիրիայի պաշտպանության նախարարության հովանու ներքո։ Այս մասին հայտնել է նոր ժամանակավոր վարչակազմը, գրում է The National-ը:
Սա տեղի է ունեցել Ահմադ ալ-Շարաայի հետ հանդիպման ժամանակ, որը «Հայաթ Թահրիր ալ-Շամ» խմբավորման առաջնորդն էր և գլխավորել էր այս ամսվա սկզբին ապստամբների կայծակնային հարձակումը, որը տապալեց նախագահ Բաշար Ասադին:
«Խմբերի ղեկավարների հանդիպումը Սիրիայի նոր առաջնորդ Ահմեդ ալ-Շարաայի հետ ավարտվել է բոլոր խմբավորումների լուծարման և պաշտպանության նախարարության հսկողության ներքո նրանց ինտեգրման շուրջ համաձայնությամբ»,- ասվում է սիրիական լրատվամիջոցների տարածած հայտարարության մեջ։
Ալ-Շարաան, որը նախկինում հայտնի էր Աբու Մոհամմեդ Ալ-Ջուլանի անունով, կիրակի հայտարարել էր, որ երկրում զենքերը, այդ թվում՝ քրդերի գլխավորած ուժերի կողմից պահվող զենքերը, անցնելու են պետական վերահսկողության տակ:
Թարգմանությունը՝ Էմմա Չոբանյանի
