15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ադրբեջանը եկել նստել է ուրիշի պատմական տարածքում և հոխորտում է․ Մինսկի խումբը պետք է արագ արձագանքի․ Լևոն Շիրինյան
Քաղաքականություն
21.09.2018 | 20:16
Ադրբեջանը եկել նստել է ուրիշի պատմական տարածքում և հոխորտում է հին քաղաքակրթություն ներկայացնող մի ժողովրդի, որը հայ ժողովուրդն է։ «Ադրբեջանի տարածքը հայերի, թալիշների պատմական տարածքն է։ Եկել բռնադատել են տեղի էթնիկական ազգերին և որպես զավթիչ հոխորտում են հին քաղաքակրթություն ներկայացնող մի ժողովրդի վրա, որը հայ ժողովուրդն է»,- Factor.am-ի հետ զրույցում՝ անդրադառնալով Իլհամ Ալիևի այն հայտարարությանը, ըստ որի, Լեռնային Ղարաբաղը ոչ մի կարգավիճակ չի ստանա Ադրբեջանի ինքնիշխանությունից դուրս, ասաց քաղաքագետ Լևոն Շիրինյանը։
«Եթե վարչապետն ասաց, որ Արցախի հակամարտության հարցը պետք է լուծել հանրաքվեի միջոցով, իսկ դա ավելի հեռահար նպատակ է, ես ասում եմ ստրատեգիական ճշմարտություն՝ Արցախի բանակը պետք է հասնի Քուռ-Արաքսյան խառնարան, և մինչև թալիշները չապստամբեն, այս հարցի վերջնական կարգավորման հնարավոր չէ հասնել»,- ասաց նա։
Հարցին՝ արդյոք Ադրբեջանի նախագահի այս հայտարարությանը պետք է արձագանքի արցախյան հակամարտության կարգավորմամբ զբաղվող Մինսկի խումբը, Լևոն Շիրինյանը պատասխանեց․ «ԵԱՀԿ Մինսկի խումբը պետք է արագ արձաանքի Ալիևի հայտարարությանը, բայց նրանք ավելի շատ վարում են հավասարակշռող քաղաքականություն»։
Հիշեցնենք, որ Ադրբեջանի նախագահ Իլհամ Ալիևը՝ Ադրբեջանի խորհրդարանի հիմնադրման 100-ամյակի առիթով կազմակերպված նիստի ժամանակ հայտարարել է, որ Հայաստանի ղեկավարությունը պետք է լուրջ փոփոխություններ կատարի ղարաբաղյան հակամարտության կարգավորման հարցի վերաբերյալ իր քաղաքականության մեջ, քանի որ Լեռնային Ղարաբաղն ադրբեջանական պատմական հող է, և այն ոչ մի կարգավիճակ չի ստանա Ադրբեջանի ինքնիշխանությունից դուրս:
