30.04.2026 | 14:38
Հայ թենիսիստները հավաքի են մասնակցում Չեխիայում
Գերմանիան կասեցրել է Վրաստանի համար նախատեսված 237 միլիոն եվրոյի նախագծերը
Քաղաքականություն
24.12.2024 | 16:06
Գերմանիան դադարեցրել է Վրաստանի համար նախատեսված 237 միլիոն եվրոյի նախագծերը՝ երկրում ստեղծված իրավիճակի պատճառով։ Այս մասին X-ի իր միկրոբլոգում հայտնել է Թբիլիսիում Գերմանիայի դեսպան Պետեր Ֆիշերը։
Նրա խոսքով՝ Գերմանիան «ծանր սրտով» կասեցրել է 237 միլիոն եվրոյի նախագծերը Վրաստանի հետ։ Գերմանիայի տնտեսական համագործակցության և զարգացման նախարարությունն այսպես է արձագանքել Վրաստանի՝ ԵՄ-ին անդամակցելու ճանապարհից շեղվելուն և բողոքի ցույցերը ցրելուն։
«Մենք դադարեցրել ենք Բաթումիում կանաչ ջրածնի, էներգետիկ ենթակառուցվածքների և ջրային ենթակառուցվածքների ֆինանսավորումը: Մենք շարունակում ենք աջակցել քաղաքացիական հասարակությանը և օրենքի գերակայությանը»,- ասել է Ֆիշերը:
Հիշեցնենք, որ Վրաստանում իրավիճակը սրվեց նոյեմբերի 28-ին, երբ կառավարությունը որոշեց հետաձգել ԵՄ-ին Վրաստանի անդամակցության շուրջ բանակցությունները մինչև 2028 թվականը։ Սա հանգեցրել է զանգվածային բողոքի ցույցերի։
Դեկտեմբերի 14-ին Վրաստանում նախագահական ընտրություններ են տեղի ունեցել։ Ընտրողների կոլեգիան նախագահ է ընտրել Միխայիլ Ղավելաշվիլիին։ Ներկայիս նախագահ Սալոմե Զուրաբիշվիլին չի ճանաչում ընտրությունների արդյունքները։
Թարգմանությունը՝ Տաթև Ֆռանգյանի
