08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքվում կանխատեսում են, որ ՀՀ-ում ԵՄ առաքելությունը 5-10 տարի կտևի
Քաղաքականություն
24.12.2024 | 15:34
Վերջին գործընթացները ցույց տվեցին, որ Եվրամիության առաքելությունը Հայաստանում կտևի 5-10 տարի։ Ադրբեջանական լրատվամիջոցների հաղորդմամբ՝ այս մասին հայտարարել է Միջազգային հարաբերությունների վերլուծության կենտրոնի խորհրդի նախագահ Ֆարիդ Շաֆիևը։ Նշենք, որ վերջինը զբաղվում է Ադրբեջանի իշխանությունների դիվանագիտական ու քարոզչական թեզերի տարածմամբ։
Անդրադառնալով հայ-ադրբեջանական սահմանին ԵՄ քաղաքացիական դիտորդական առաքելության գործունեությանը՝ նա նշել է, թե Կանադայի միանալով՝ այն անցել է «Եվրամիություն+» ձևաչափի։
«Սահմանային գոտում չպետք է լինեն որևէ երրորդ պետության ուժեր։ Ներկայում հայ-ադրբեջանական սահմանին առաքելությունը վերափոխվել է «Եվրամիություն+» ձևաչափի։ Վերջին գործընթացները ցույց են տալիս, որ Հայաստանում ԵՄ առաքելությունը կտևի 5-10 տարի։ Հայաստանը ցանկանում է երկարացնել այդ առաքելության գործունեությունը։ Եթե պաշտոնական Երևանը պահպանի իր ներկայիս դիրքորոշումը, ապա 2025 թվականին խաղաղության պայմանագրի ստորագրումն իրատեսական չի թվում»,- հայտարարել է Շաֆիևը։
Թարգմանությունը՝ Էմմա Չոբանյանի
