24.06.2026 | 09:52
Ձերբակալվել է Ավետիք Չալաբյանը
Բարեկամի ֆիրմայից չեն գնել էդ տոմսը. Գրիգորյանը` 20 հազար դոլար արժողությամբ Ավինյանի ավիատոմսի մասին․ ՏԵՍԱՆՅՈՒԹ
Քաղաքականություն
24.12.2024 | 14:26
Ես այդ պատվիրակության կազմում չեմ էլ եղել, որ իմանամ պարոն Ավինյանը ե՞րբ է նստել, ե՞րբ է վեր կացել, ե՞րբ պետք է ինչ-որ բան նկատեր կամ չնկատեր: Այս մասին այսօր լրագրողների հետ զրույցում ասաց Երևանի փոխքաղաքապետ Սուրեն Գրիգորյանը՝ անդրադառնալով Տիգրան Ավինյանի՝ ԱՄՆ կատարած այցի ավիատոմսի արժեքին:
«Կա հետևյալը՝ մեր ընդդիմադիր գործընկերները, մամուլը բարձրաձայնել են խնդիր, որ թանկարժեք է այդ տոմսը, որով պարոն քաղաքապետը մեկնել է ԱՄՆ: Քաղաքապետն էլ ասաց՝ երբ իմացել է՝ ինչ արժե տոմսը, համարել է, որ քննադատությունն օբյետկիվ է, արձագանքել է: Էլ ի՞նչ եք ուզում, որ քաղաքապետն անի»,- ասաց Գրիգորյանը:
Հիշեցնենք՝ երեկ Տիգրան Ավինյանն հայտարարեց, որ ինքն էլ ապշել է ԱՄՆ մեկնելու համար ձեռք բերված ավիատոմսի արժեքից (շուրջ 20 հազար ԱՄՆ դոլար) և որոշել է փոխհատուցել այդ գումարը։
Ուշագրավ է, որ Երևանի քաղաքապետ Տիգրան Ավինյանը ավիատոմսի գումարի փոխհատուցման մասին հայտարարությունն արեց Factor TV-ում տեղի ունեցած բանավեճից հետո, որի ընթացքում բարձրաձայնվել էր նաև այդ հարցը։
