30.04.2026 | 13:54
Մուստաֆաևի` Ջուջևան այցելելու հարց չի քննարկվել. Փաշինյան․ ՏԵՍԱՆՅՈՒԹ
Գրենլանդիան ԱՄՆ-ին վաճառելու՝ Թրամփի գաղափարը մերժվել է
Քաղաքականություն
24.12.2024 | 16:39
Գրենլանդիայի վարչապետ Մութե Էգեդեն պատասխանել է ԱՄՆ նորընտիր նախագահ Դոնալդ Թրամփի մեկնաբանություններին այն մասին, որ Վաշինգտոնը պետք է «տիրի և վերահսկի» կղզին, փոխանցում է DW-ի ռուսական ծառայությունը:
«Գրենլանդիան պատկանում է Գրենլանդիայի ժողովրդին։ Մենք չենք վաճառվում և չենք վաճառվելու: Մենք չպետք է կորցնենք մեր երկարատև պայքարը հանուն ազատության»,- հայտարարել է Էգեդեն։
Միաժամանակ, քաղաքական գործիչը նշել է, որ Գրենլանդիան պետք է բաց մնա «ամբողջ աշխարհի, հատկապես՝ հարևանների հետ համագործակցության և առևտրի համար»։
Դեկտեմբերի 22-ին Դոնալդ Թրամփը իր Truth սոցցանցում գրել էր, որ Միացյալ Նահանգները «կարծում է՝ Գրենլանդիայի սեփականությունն ու վերահսկողությունը բացարձակ անհրաժեշտություն է»՝ «ամբողջ աշխարհում ազգային անվտանգության և ազատության ապահովման» տեսանկյունից:
Թրամփն իր առաջին ժամկետի ընթացքում արդեն առաջարկել էր կղզին գնել Դանիայից, որի կազմի մեջ է գտնվում Գրենլանդիան։ Սակայն Կոպենհագենը դրանից հետո կտրուկ մերժել էր նրա առաջարկը, իսկ երկրի վարչապետ Մետե Ֆրեդերիկսենն այն անվանել էր «աբսուրդ», ինչի պատճառով ԱՄՆ նախագահը նույնիսկ չեղարկել էր այցը Դանիա։
Թարգմանությունը՝ Տաթև Ֆռանգյանի
