10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
Թուրքիան հայտնում է, որ Ասադի տապալումից հետո ավելի քան 25,000 սիրիացիներ վերադարձել են հայրենիք
Քաղաքականություն
24.12.2024 | 16:21
Ավելի քան 25,000 սիրիացիներ Թուրքիայից վերադարձել են հայրենիք այն բանից հետո, երբ Բաշար Ասադը տապալվեց ընդդիմադիր ապստամբ խմբավորումների կողմից՝ «Հայաթ Թահրիր ալ-Շամ»-ի (HTS) գլխավորությամբ։ Այս մասին հայտարարել է Թուրքիայի ներքին գործերի նախարար Ալի Երլիքայան, գրում է Al Arabiya-ն։
Ըստ AFP-ի՝ Թուրքիայում բնակվում են շուրջ երեք միլիոն փախստականներ, որոնք փախել են Սիրիայում 2011 թվականին բռնկված քաղաքացիական պատերազմից, և որոնց ներկայությունը երկրում նախագահ Ռեջեփ Թայիփ Էրդողանի կառավարության գլխավոր խնդիրներից է։
«Վերջին 15 օրվա ընթացքում Սիրիա վերադարձածների թիվը գերազանցել է 25 հազարը»,- ասել է Ալի Երլիքայան։
Անկարան սերտ կապի մեջ է Սիրիայի նոր իշխանությունների հետ և այժմ կենտրոնանում է սիրիացի փախստականների կամավոր վերադարձի վրա՝ հուսալով, որ Դամասկոսում իշխանության փոփոխությունը թույլ կտա նրանցից շատերին վերադառնալ հայրենիք: Նշվում է, որ Դամասկոսում և Հալեպում Թուրքիայի դեսպանատանն ու հյուպատոսարանում ստեղծվելու է միգրացիոն գրասենյակ՝ վերադարձած սիրիացիների հաշվառումն իրականացնելու համար։
Հավելենք, որ Սիրիայում Ասադի իշխանության տապալումից հետո Թուրքիան 12 տարի անց վերաբացել է իր դեսպանատունը Դամասկոսում։
Թարգմանությունը՝ Էմմա Չոբանյանի
