24.12.2024 | 23:32
Մալխասի արվեստը երևանցիներն են. Տիգրան Ավինյան
Անկարան և Դամասկոսը կարող են համատեղ ռազմական գործողություն իրականացնել Սիրիայում
Քաղաքականություն
24.12.2024 | 15:51
Անկարան և Դամասկոսը կարող են Սիրիայում համատեղ ռազմական գործողություն իրականացնել քրդերի դեմ, եթե նրանք հրաժարվեն վայր դնել զենքերը, հայտնել է թուրքական Hürriyet-ի՝ կառավարական շրջանակներին մոտ կանգնած լրագրող Աբդուլքադիր Սելվին՝ վկայակոչելով իր աղբյուրներին։
«Ժամանակավոր կառավարության ձևավորումից հետո (Սիրիայում) ահաբեկչական կազմակերպություններին, մասնավորապես՝ PKK-ին և Իսլամական պետությանը կոչ կանեն վայր դնել զենքերը և միանալ սիրիական բանակին։ Այնուամենայնիվ, եթե PKK-YPG-ն բացասաբար արձագանքի այս կոչին, սիրիական բանակը և թուրքական զինված ուժերը համատեղ գործողություն կիրականացնեն՝ PKK-YPG-ին իր վերահսկողության տակ գտնվող տարածքներից հեռացնելու համար»,- նշել է նա։
Թուրքիայի նախագահ Ռեջեփ Թայիփ Էրդողանը երեկ հայտարարել է, որ արևմտյան երկրների աջակցությունը Քուրդիստանի աշխատավորական կուսակցությանը սպառվում է։ Նրա խոսքով՝ PKK-ի կողմնակիցների համար «շրջանակը նեղանում է»։
Թարգմանությունը՝ Տաթև Ֆռանգյանի
