16.11.2024 | 11:55
Արտարժույթների փոխարժեքները՝ նոյեմբերի 16-ի դրությամբ
Սփյուռքի նախարարը Դամասկոսում հանդիպել է հայ համայնքի ներկայացուցիչների հետ
Հասարակություն
21.09.2018 | 17:06
Սիրիայի Արաբական Հանրապետություն կատարած աշխատանքային այցի շրջանակներում սփյուռքի նախարար Մխիթար Հայրապետյանը սեպտեմբերի 20-ին Դամասկոսի ազգային առաջնորդարանում հանդիպում է ունեցել Հայաստանյայց Առաքելական Սուրբ Եկեղեցու Դամասկոսի թեմի առաջնորդ Գերաշնորհ Տեր Արմաշ եպս. Նալբանդյանի, Դամասկոսի Հայ Կաթողիկե թեմի առաջնորդ Գերաշնորհ Տեր Հովսեփ եպս. Առնաությանի, Սիրիայում ՀՀ դեսպան Արշակ Փոլադյանի և Սիրիայի Ժողովրդական ժողովի պատգամավոր Նորա Արիսյանի հետ:
Այնուհետև սփյուռքի նախարարը Դամասկոսի հայկական եկեղեցում հանդիպել է տեղի հայ համայնքի ներկայացուցիչների հետ: Հանդիպումը ընթացել է հարցուպատասխանի ձևաչափով, և ներկաները հնարավորություն են ունեցել սփյուռքի նախարարին հղել իրենց մտահոգող հարցերը:
