Քաղաքականություն
24.12.2024 | 12:15
Իսրայելի պաշտպանության նախարար Իսրայել Կացն առաջին անգամ հրապարակայնորեն խոստովանել է, որ հուլիսին Իրանում ՀԱՄԱՍ-ի առաջնորդ Իսմայիլ Հանիեի սպանության պատասխանատվությունը կրում է իսրայելական բանակը: Այս մասին հայտնում է Reuters գործակալությունը։
Նման հայտարարությունը կարող է հանգեցնել Իրանի և Իսրայելի միջև լարվածության աճի, նշում է գործակալությունը։
«Այս օրերին, երբ հութիների ահաբեկչական կազմակերպությունը հրթիռներ է արձակում Իսրայելի ուղղությամբ, ես ուզում եմ նրանց հստակ ուղերձ հղել՝ մենք հաղթեցինք ՀԱՄԱՍ-ին, մենք հաղթեցինք «Հըզբոլլահ»,-ին մենք կուրացրինք Իրանի պաշտպանությունը և վնասեցինք նրա արդյունաբերական կարողությունները, մենք տապալեցինք Ասադի ռեժիմը Սիրիայում, մենք լուրջ հարված հասցրինք չարի առանցքին։ Եվ մենք նաև ծանր հարված կհասցնենք Եմենի հութի ահաբեկիչներին, որոնք մնում են դիմադրության վերջին օջախը։ Մենք գլխատելու ենք նրանց հրամանատարությունը, ինչպես արեցինք Հանիեի, Սինվարի և Նասրալլայի հետ Թեհրանում, Գազայում և Լիբանանում»,- հայտարարել է Կացը։
Թարգմանությունը՝ Տաթև Ֆռանգյանի
