08.10.2026 | 20:43
Իսրայելն Ադրբեջանում արևմտյան չափանիշներով զենքի արտադրման գործարան է բացել
Սուրբ Ծննդյան տիեզերք. ՆԱՍԱ-ն աստղային կուտակումների տոնական պատկերներ է ներկայացրել
Քաղաքականություն
23.12.2024 | 17:08
Տոներին ընդառաջ ՆԱՍԱ-ն հրապարակել է աստղային կուտակումների անհավանական պատկերներ, որոնք հիշեցնում են Սուրբ Ծննդյան խորհրդանիշները, այդ թվում՝ լույսերով զարդարված տոնածառ։
Առաջին կլաստերը՝ NGC 2264, գտնվում է մեր գալակտիկայում՝ Ծիր Կաթինում։ Նոյեմբերին Արիզոնայից աստղալուսանկարիչ Մայքլ Քլոուն ֆիքսել է կլաստերը, իսկ ՆԱՍԱ-ն նրա նկարները միավորել է Չանդրա ռենտգենյան աստղադիտարանի տվյալների հետ: Արդյունքը ցույց է տալիս գազային ամպերը և աստղերը, որոնք ստեղծում են տոնածառի պատկեր:
NGC 2264-ի աստղերը շատ երիտասարդ են՝ ընդամենը 1-5 միլիոն տարեկան: Համեմատության համար նշենք, որ Արեգակը շուրջ 5 միլիարդ տարեկան է։
Մեկ այլ նկարում պատկերված է NGC 602 կլաստերը, որը գտնվում է Մագելանի Փոքր ամպի մեջ՝ Երկրից մոտ 200 հազար լուսատարի հեռավորությամբ: Այն հիշեցնում է լույսերով զարդարված Սուրբ Ծննդյան ծաղկեպսակ։ Բայց այս «դեկորացիան» բաղկացած է ոչ միայն աստղերից, այլև գալակտիկաներից, որոնք գտնվում են կլաստերից շատ այն կողմ։
Թարգմանությունը՝ Տաթև Ֆռանգյանի
