Կրեմլը՝ Ասադի ամուսնալուծության և տեղաշարժի սահմանափակումների մասին

Կրեմլը հայտարարել է, որ Ռուսաստանի տարածքում Սիրիայի նախկին առաջնորդ Բաշար Ասադի տեղաշարժերի սահմանափակումների մասին տեղեկությունները չեն համապատասխանում իրականությանը, գրում է «Ինտերֆաքս»-ը։

«Ո՛չ, չեն համապատասխանում»,- ասել է ՌԴ նախագահի մամուլի խոսնակ Դմիտրի Պեսկովը լրագրողներին՝ մեկնաբանելով թուրքական ԶԼՄ-ների տեղեկությունները, որ «Ասադի կինը ցանկանում է ամուսնալուծվել և հեռանալ Ռուսաստանից», և որ «Ասադի տեղաշարժը Մոսկվայից դուրս սահմանափակվել է, իսկ ունեցվածքը՝ սառեցվել»։

Ավելի վաղ հայտնել էինք, որ ըստ տեղեկությունների՝ Ասմա Ասադը դիմում է ներկայացրել ռուսական դատարան՝ խնդրելով հատուկ թույլտվություն տրամադրել Մոսկվայից հեռանալու համար, և որ ռուսական իշխանությունները ներկայում քննարկում են նրա դիմումը։

Բացի այդ, նշվել էր, որ չնայած Ռուսաստանում ապաստան ստանալուն՝ Ասադը բախվում է խիստ սահմանափակումներ, այդ թվում՝ քաղաքական գործունեության և Մոսկվայից մեկնելու արգելքների։ Նշվում է, թե Ռուսաստանի իշխանությունները սառեցրել են նրա ակտիվների զգալի մասը, այդ թվում՝ 270 կիլոգրամ ոսկի, 2 միլիարդ դոլար կանխիկ գումար և 18 բնակարան Մոսկվայում։

Նշենք, որ Սիրիայի նախին նախագահ Բաշար Ասադին և նրա ընտանիքի անդամներին ՌԴ-ն ապաստան է տրամադրել Սիրիայում զինված ընդդիմության իշխանության գալուց հետո։

Թարգմանությունը՝ Էմմա Չոբանյանի