08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
ՌԴ-ն էլեկտրաէներգիայի հումանիտար մատակարարումներ կսկսի չճանաչված Աբխազիա
Քաղաքականություն
23.12.2024 | 18:24
Դեկտեմբերի 23-ից Ռուսաստանն էլեկտրաէներգիայի մարդասիրական մատակարարումներ կսկսի ինքնահռչակ Աբխազիայի Հանրապետություն։ Այս մասին հայտնում են ՌԴ պետական գերատեսչությունները՝ վկայակոչելով Աբխազիայի նախագահի պաշտոնակատար Բադրա Գունբային ու էներգետիկայի և տրանսպորտի նախարարի պաշտոնակատար Ջասնուխ Նանբուին, փոխանցում է Current Time-ը։
«Ի պատասխան Աբխազիայի կոչի՝ Ռուսաստանի ղեկավարությունը կրկին օգնության ձեռք է մեկնել մեզ և սկսում է էլեկտրաէներգիայի հումանիտար հոսք դեպի հանրապետություն»,- ասել է Գունբան։
Սոցցանցերում հրապարակվել է նաև աբխազ բնակիչներին էլեկտրաէներգիայի մատակարարման նոր ժամանակացույցը։
«2024 թվականի դեկտեմբերի 23-ից՝ ժամը 7:00-ից, կներդրվի էլեկտրաէներգիայի մատակարարման նոր ժամանակացույց: Անջատումները կտևեն օրական չորս ժամ․ երկու ժամ՝ ցերեկը և երկու ժամ՝ գիշերը»,- ասվում է «Չեռնոմորէներգո»-ի հաղորդագրության մեջ։
Հիշեցնենք, որ ՌԴ-ն դադարեցրել էր էլեկտրաէներգիայի մատակարարումը Աբխազիա այն բանից հետո, երբ այդ երկրի իշխանությունները, ցուցարարների ճնշման ներքո, հրաժարվեցին վավերացնել Մոսկվայի հետ ներդրումային համաձայնագիրը։
Թարգմանությունը՝ Տաթև Ֆռանգյանի
