23.12.2024 | 14:36
Երևանում դեկտեմբերի 24-ի գիշերը և առավոտյան հնարավոր է թույլ ձյուն տեղա
ԿԺԴՀ-ն պատրաստվում է լրացուցիչ զորքեր ուղարկել Ռուսաստան. Yonhap
Քաղաքականություն
23.12.2024 | 10:46
Հյուսիսային Կորեան, ըստ երևույթին, պատրաստվում է լրացուցիչ զորքեր ուղարկել Ռուսաստան՝ Ուկրաինայի հետ պատերազմին մասնակցելու համար, հայտնում է Yonhap-ը՝ վկայակոչելով հարավկորեական ռազմական պաշտոնյաներին։ Փհենյանը մտադիր է նաև ռազմական տեխնիկա, այդ թվում՝ կամիկաձե անօդաչու թռչող սարքեր ուղարկել։
«Բազմաթիվ հետախուզական աղբյուրների համապարփակ գնահատումը ցույց է տալիս, որ Հյուսիսային Կորեան պատրաստվում է ռոտացիայի ենթարկել կամ ավելացնել իր զորքերի տեղակայումը [Ռուսաստան]», – գործակալությունը մեջբերում է Հարավային Կորեայի շտաբների պետերի միացյալ հայտարարությունը:
Հարավային Կորեայի հետախուզությունը մինչ այս գնահատել էր ԿԺԴՀ-ի զինվորականների կորուստները պատերազմում՝ մոտավորապես 1100. այս թիվը ներառում է ինչպես սպանվածներին՝ շուրջ 100 մարդ, այնպես էլ վիրավորներին:
«Կան նաև որոշ նշաններ, որ Հյուսիսը շարժվում է դեպի կամիկաձե անօդաչու թռչող սարքեր արտադրելու և մատակարարելու ուղղությամբ, որոնց մասին առաջին անգամ հայտնի է դարձել նոյեմբերին Կիմ Չեն Ընի ստուգման ժամանակ», – ասված է հայտարարության մեջ:
Հյուսիսային Կորեայի լրատվամիջոցները հայտնել են, որ Կիմ Չեն Ընը նոյեմբերին վերահսկել է տարբեր տեսակի անօդաչու սարքերի փորձարկումները և կոչ արել դրանց զանգվածային արտադրություն իրականացնել, գրում է Yonhap-ը։
