19.07.2026 | 13:01
Մեքենան ընկել է Հրազդան գետը․ փրկարարները դուրս են բերել վարորդի մարմինը
Վրաստանի վարչապետը հայտարարել է՝ պատրաստակամ են ԵԽ-ի հետ քննարկելու «օտարերկրյա գործակալների» մասին օրենքը
Քաղաքականություն
20.12.2024 | 16:44
Վրաստանի վարչապետ Իրակլի Կոբախիձեն ուրբաթ օրը հայտարարել է, որ իշխանությունները պատրաստ են համագործակցել Եվրոպայի խորհրդի հետ և քննարկել օտարերկրյա գործակալների մասին օրենքը։
«Մենք քննարկել ենք թափանցիկության օրենքը և հայտարարել ենք, որ բաց ենք քննարկման համար… Մենք ասում ենք մի պարզ բան՝ եթե որևէ մեկը ապացույցներ բերի, որ այս օրենքում ինչ-որ բացասական բան կա, ապա մենք պատրաստ ենք քննարկել այդ հարցը, այդ թվում՝ համագործակցել Եվրոպայի խորհրդի կառույցների հետ»,- ճեպազրույցում ասել է վարչապետը։
Վրաստանի իշխանությունները նախկինում ընդունել են երկու օրենք՝ «Ընտանեկան արժեքների և անչափահասների պաշտպանության մասին», որը նաև հայտնի է որպես ԼԳԲՏ քարոզչությունն արգելող օրենք , և «Օտարերկրյա ազդեցության թափանցիկության» մասին, որը հայտնի է նաև որպես օտարերկրյա գործակալների մասին օրենք: Եվրամիությունը քննադատել է այս օրենքները և Թբիլիսիից պահանջել չեղարկել դրանք՝ սպառնալով կասեցնել ԵՄ անդամակցության գործընթացը, դադարեցնել ֆինանսական աջակցությունը և նույնիսկ դադարեցնել վիզային ռեժիմի ազատականացումը այս երկրի քաղաքացիների համար։
Թարգմանությունը՝ Տաթև Ֆռանգյանի
