Քաղաքականություն
20.12.2024 | 17:33
ՌԴ ՊՆ-ն Կիևին այսօր առավոտյան հասցված հրթիռային հարվածներն անվանել է Ռոստովի մարզի վրա հարձակմանը պատասխան, գրում է BBC-ի ռուսական ծառայությունը։
ՌԴ ՊՆ-ն հայտարարել է, որ «գերճշգրիտ հեռահար զենքերով» հարվածը հասցվել է «Լուչի» կոնստրուկտորական բյուրոյին և «Ուկրաինայի անվտանգության խորհրդի կառավարման կենտրոնին»։ Նշվում է, թե բոլոր նպատակներն իրագործվել են։
Ռուսական պաշտպանական գերատեսչությունը հայտարարել է, որ հարվածը պատասխանն է դեկտեմբերի 18-ին Ռոստովի մարզի Կամենսկի կոմբինատի վրա ATACMS և Storm Shadow հրթիռներով հարձակմանը։ Ուկրաինական կողմը չի մեկնաբանել Ռոստովի մարզում տեղի ունեցած այս հարձակումը։
Թարգմանությունը՝ Էմմա Չոբանյանի
