08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հութիները գերձայնային հրթիռներով հարվածել են Թել Ավիվի ռազմական օբյեկտներին
Քաղաքականություն
19.12.2024 | 15:10
Եմենի «Անսար Ալլահ» (Հութի) շարժումը երկու գերձայնային բալիստիկ հրթիռ է արձակել Թել Ավիվի տարածքում գտնվող ռազմական օբյեկտների ուղղությամբ, ասել է խմբավորման ռազմական խոսնակ Յահյա Սարիան։ Հարձակումն իրականացվել է Պաղեստին-2 հրթիռներով, շարժման ներկայացուցչին հղումով հայտնում է Կոմերսանտը։
«Եմենի զինված ուժերի հրթիռային ուժերը ռազմական գործողություն են իրականացրել՝ երկու «Պաղեստին-2» հիպերձայնային բալիստիկ հրթիռներով հարձակվելով Յաֆֆոյի շրջանում երկու կարևոր ռազմական օբյեկտների վրա … Գործողությունը հասել է իր նպատակներին», – հաղորդում է հութիների Telegram ալիքը:
Իսրայելի պաշտպանության բանակն իր հերթին հայտարարել է, որ դեկտեմբերի 19-ի գիշերը Եմենից հրթիռ է արձակվել Թել Ավիվի ուղղությամբ և որսացվել է հակաօդային պաշտպանության ուժերի կողմից։ Զոհերի մասին տեղեկություններ չկան։
Մինչ այս հութիները հայտնել էին դեկտեմբերի 16-ին Թել Ավիվի ուղղությամբ հրթիռային հարվածի մասին։ Իսրայելի ռազմաօդային ուժերը որսացել են այն նախքան հրեական պետության տարածք հասնելը։ Հութիները հարձակվում են Իսրայելի և նրա հետ կապված նավերի վրա՝ ի պատասխան Գազայի հատվածում Իսրայելի պաշտպանության բանակի գործողության և ի աջակցություն պաղեստինյան ՀԱՄԱՍ շարժման: Դեկտեմբերի 1-ին խումբը հայտարարել է Ադենի ծոցում և Արաբական ծովում ամերիկյան կործանիչի և երեք ամերիկյան նավերի վրա հարձակման մասին։
Թարգմանությունը՝ Տաթև Ֆռանգյանի
