26.05.2026 | 10:40
«Վոլֆսբուրգն» առաջին անգամ դուրս է մնացել Բունդեսլիգայից․ ՏԵՍԱՆՅՈՒԹ
Ուկրաինայում պատերազմի ավարտը հնարավոր է մինչև տարեվերջ․ Քիթ Քելլոգ
Քաղաքականություն
19.12.2024 | 14:52
ԱՄՆ նորընտիր նախագահ Դոնալդ Թրամփը կարող է փորձել դադարեցնել պատերազմն Ուկրաինայում մինչև այս տարվա վերջ, հայտարարել է ամերիկացի առաջնորդի ռազմական հակամարտության կարգավորման հարցերով ապագա հատուկ բանագնաց Քիթ Քելլոգը։
«Հիմա դրա համար կատարյալ ժամանակն է: Ես իսկապես հավատում եմ, որ նախագահ Թրամփը, որը իր նախընտրական քարոզարշավի ժամանակ տվել է այս խոստումը (պատերազմը դադարեցնելու մասին), կիրականացնի այն, և դա իրականություն կդառնա։ Կարծում եմ, որ դա տեղի կունենա այս տարի։ «Նա ունի դա անելու ունակություն և կարողություն», – ասել է Քելլոգը Fox Business հեռուստաալիքի եթերում:
Նրա խոսքով՝ Մոսկվան և Կիևը պատրաստ են խաղաղ բանակցությունների, և Թրամփը կարող է օգնել սկսելու դրանք, քանի որ նա «ունի տեսլական և էներգիա» դա անելու համար։ Ինքը՝ նորընտիր նախագահը, վերջերս ասել է, որ աշխատում է հակամարտությունը կարգավորելու ուղղությամբ, և որ «փոքր առաջընթաց» արդեն իսկ ձեռք է բերվել։
Ավելի վաղ Reuters-ի աղբյուրները թերթին հայտնել էին, որ Քելլոգը ծրագրում է այցելել Կիև՝ «որքան հնարավոր է շուտ» մարտերը դադարեցնելու համար: Թրամփի հատուկ բանագնացը պատրաստվում է հանդիպումների նաև եվրոպական մայրաքաղաքներում, մասնավորապես՝ Հռոմում և Փարիզում։
Թարգմանությունը՝ Տաթև Ֆռանգյանի
