20.02.2026 | 12:38
Թրամփը մեկ տարով երկարաձգել է Ռուսաստանի դեմ պատժամիջոցները
Սիրիան ռազմավարական հարաբերություններ կհաստատի Թուրքիայի հետ․սիրիացի ապստամբների ղեկավար
Քաղաքականություն
19.12.2024 | 10:55
«Հայաթ Թահրիր ալ-Շամ» (HTS) առաջնորդ Ահմեդ ալ-Շարաան թուրքական լրատվամիջոցին ասել է, որ Սիրիան ռազմավարական հարաբերություններ կզարգացնի Թուրքիայի հետ, գրում է Middle East Eye-ը։
Շարաան, որն ավելի հայտնի է Աբու Մուհամեդ Ջոլանի անունով, ասել է, որ սիրիացիները, որոնք ապաստան են գտել Թուրքիայում, ավելի լավ ընդունելություն են գտել, քան որևէ այլ տեղ:
«Հուսով եմ Սիրիան չի մոռանա այդ բարությունը»,-ասել է նա թուրքական իշխանամերձ Yeni Safak-ին։
«Լինելու են ռազմավարական հարաբերություններ, Թուրքիան շատ առաջնահերթություններ ունի սիրիական նոր պետության վերականգնման հարցում։ Կլինեն նաև փոխադարձ առևտրային հարաբերություններ։ Մենք վստահում ենք Թուրքիային, երբ խոսքը վերաբերում է տնտեսական զարգացման իր փորձը Սիրիային փոխանցելուն»,-նշել է Ահմեդ ալ-Շարաան՝ հավելելով, որ Սիրիայում հեղափոխության հաջողությունը նաև թուրք ժողովրդի համար հանդիսացել է տոնախմբության առիթ։
«Այս հաղթանակը ոչ միայն սիրիացիների, այլև թուրք ժողովրդի հաղթանակն է»,- ասել է նա։
Հարցին, թե արդյոք մտադիր է հեղափոխությունը տարածել այլ իսլամական երկրներում, Շարաան ասել , որ իր շարժումն իրավունք չունի միջամտելու այլ ազգերի գործերին:
«Մենք մտադիր չենք մեր ուժերից վեր այնպիսի խնդիրներ ստանձնելու, ինչպիսին է իսլամական աշխարհի բոլոր խնդիրների լուծումը, ինչը մեզ կշեղի մեր սեփական ժողովրդի հանդեպ մեր առաջնային պատասխանատվությունից։ Մենք ձգտելու ենք բոլոր երկրների հետ հարաբերություններ հաստատել և զարգացնել այնպես, որ ձեռնտու լինի մեր ազգին»,-հայտարարել է նա։
Թարգմանությունը՝ Էմմա Չոբանյանի
