08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Honda-ն և Nissan-ը մտածում են միավորման մասին
Քաղաքականություն
19.12.2024 | 13:00
Ճապոնական Honda և Nissan ավտոարտադրողները դիտարկում են միավորման հնարավորությունը, սակայն դեռ ոչինչ որոշված չէ։ Այս մասին հայտնել է Honda-ի նախագահ Տոշիհիրո Միբեն:
«Մենք դիտարկում ենք (այս հարցը), բանակցություններ են ընթանում: Քննարկում ենք նաև այլ հնարավորություններ, բայց դեռ ոչինչ որոշված չէ»,- ասել է նա NHK հեռուստաալիքի եթերում՝ պատասխանելով Honda-ի և Nissan-ի միաձուլման վերաբերյալ լրագրողների հարցերին։
Նրա խոսքով՝ Honda-ն և Nissan-ը կարող են նոր ընկերություն հիմնել, որը կներառի երկու ավտոարտադրողների բաժնետոմսերը: Եթե միավորումը տեղի ունենա, նոր ավտոարտադրողը կդառնա մեծությամբ երրորդն աշխարհում:
Հեռուստաալիքը նշում է, որ հարցը՝ արդյոք նոր կառուցվածքում կներառվի՞ նաև Mitsubishi Motors ավտոարտադրողը, որի բաժնետոմսերի մի մասը պատկանում է Nissan-ին, դեռ բաց է մնում։
Թարգմանությունը՝ Տաթև Ֆռանգյանի
