ԿԳՄՍ նախարարն ընդունել է Դելփյան խաղերի մրցանակակիրներին

Լուրեր

16.05.2025 | 14:06
Անվտանգ երթևեկություն՝ հանուն երեխաների ու համայնքի բարօրության․ ՆԳՆ-ն միացել է ՄԱԿ-ի իրազեկման արշավին
16.05.2025 | 13:54
Փոքր զինատեսակներից կարճ կրակահերթեր են լինում․ ձայները լսում ենք, ուղղությունը չգիտենք․ Մովսեսի վարչական ղեկավար
16.05.2025 | 13:46
Փաշինյանն ու Ալիևը հանդիպել են Ալբանիայում Եվրոպական քաղաքական համայնքի գագաթնաժողովի շրջանակներում․ ՏԵՍԱՆՅՈՒԹ
16.05.2025 | 13:45
Քննարկվել են ՀՀ-ի և Վրաստանի միջև գիտակրթական ոլորտում փոխգործակցության ընդլայնմանն առնչվող հարցեր
16.05.2025 | 13:36
Հայտնաբերվել է 10 հետախուզվող․ ՆԳՆ
16.05.2025 | 13:32
Տիրանայում տեղի է ունենում Փաշինյանի և Ալիևի հանդիպումը
16.05.2025 | 13:30
Օդի ջերմաստիճանը կբարձրանա 7-10 աստիճանով
16.05.2025 | 13:22
Քննարկվել են ներառական կրթության կազմակերպման խնդիրները
16.05.2025 | 13:14
NYMEX. Թանկարժեք մետաղների գներն աճել են
16.05.2025 | 13:02
Վերացվել է Սևանի «Հայկական ճամբար» հանգստի գոտու ջրօգտագործման կասեցումը. ԲԸՏՄ
16.05.2025 | 12:50
Ինչո՞ւ անչափահասին ապտակելու դեպքով վարույթ չնախաձեռնվեց. Ալեն Սիմոնյանի համոզմամբ՝ դեպքը կոնկրետ հետևանքներ պիտի ունենա
16.05.2025 | 12:45
Երկրաշարժ Բավրա գյուղից 8 կմ հյուսիս-արևելք. այն զգացվել է նաև Շիրակի մարզում
16.05.2025 | 12:42
Դուշանբեում ընթանում է ԱՊՀ երկրների անվտանգության մարմինների ղեկավարների խորհրդի նիստը․ մասնակցում է նաև ՀՀ ԱԱԾ տնօրենը
16.05.2025 | 12:31
Ուկրաինական ԱԹՍ-ները գրոհել են Ղրիմը․ պայթյուններ են տեղի ունեցել
16.05.2025 | 12:22
Սեյրան Օհանյանը` սահմանային լարվածության մասին․ ՏԵՍԱՆՅՈՒԹ
Բոլորը

ԿԳՄՍ նախարար Ժաննա Անդրեասյանն ընդունել է Դելփյան խաղերի հաղթող մասնակիցներին և պարգևատրել նրանց:

ԿԳՄՍՆ-ի փոխանցմամբ՝ հանդիպմանը ներկա են եղել նաև ԿԳՄՍ նախարարի տեղակալ Դանիել Դանիելյանը և Հայկական ազգային Դելփյան կոմիտեի (ՀԱԴԿ) նախագահ Ալեքսան Զաքյանը:

2024 թվականին անցկացվել են երկու Դելփյան խաղեր: Ղրղզստանի Հանրապետության մայրաքաղաք Բիշքեկում սեպտեմբերի 30-ից հոկտեմբերի 5-ը տեղի է ունեցել ԱՊՀ պետությունների առաջին բաց մանկական Դելփյան խաղերը՝ դասական, ազգային և ժամանակակից արվեստի տեսակների տասնմեկ անվանակարգերում, իսկ նոյեմբերի 22-26-ը Ռուսաստանի Դաշնության Կոմի Հանրապետության Սիկտիվկար քաղաքում անցկացվել է 3-րդ երիտասարդական բաց Արկտիկական և ԱՊՀ մասնակից պետությունների 18-րդ երիտասարդական Դելփյան խաղերը՝ 10 անվանակարգերում:

«Շնորհակալ ենք ձեր աշխատանքի, ջանքերի և գրանցած արդյունքների համար, ինչը թույլ է տալիս մեկ անգամ ևս համոզվել, որ շատ տաղանդավոր երեխաներ ունենք: Մեզ համար չափազանց կարևոր է խրախուսել երեխաների շրջանում ստեղծագործականությունը, սերը արվեստի նկատմամբ, ինչին էլ ուղղված է համադպրոցական մշակութային տարի հայտարարելու նախաձեռնությունը»,- ասել է նախարարը:

Նախարարը մաղթել է երեխաներին նոր հաջողություններ ու հաղթանակներ և ընդգծել, որ ԿԳՄՍ նախարարությունը մշտապես պատրաստակամ է աջակցելու տաղանդի զարգացման ու մասնագիտական որակի բարելավման բոլոր նախաձեռնություններին:

Հայաստանի ներկայացուցիչները 3-րդ երիտասարդական բաց Արկտիկական Դելփյան խաղերում նվաճել են 2 ոսկե և 2 արծաթե մեդալներ, 2 դիպլոմ, իսկ ԱՊՀ մասնակից պետությունների 18-րդ երիտասարդական Դելփյան խաղերում Հայաստանն ունեցել է երեք 1-ին և մեկ 2-րդ մրցանակակիր: